Heddlu Gogledd Cymru – Cetamin

Faint ydych chi’n ei wybod am ‘Ket’?

Fel arfer, mae cetamin, Ket, Special K, neu K yn bowdr sydd bron yn wyn ei liw sydd fel arfer yn cael ei ffroenu. Mae’n anesthetig datgysylltiol ac yn gyffur seicedelig pwerus. Tra nad yw hynny, o bosib, yn swnio fel hwyl, mae llawer nad yw’r rhan fwyaf yn ei wybod pan maent yn ei drio am y tro cyntaf.

Sut mae o’n teimlo?

Ar ddosau is gall pobl deimlo’n ymlaciol, yn hamddenol, neu ychydig yn chwil. Ar ddosau uwch, gallwch fynd i mewn i “dwll-K” sy’n golygu rhithwelediadau pwerus y mae rhai wedi eu disgrifio fel profiad agos i farwolaeth.
 

Mae’n iawn os fyddai ond yn ei gymryd cwpwl o weithiau, yndi?

Gallwch brofi sgil-effeithiau fel pendro, dryswch, colli cydsymudiad, anhawster wrth symud, cyfogi a thaflu i fyny o gymryd Ket hyd yn oed unwaith.

Mae’r sgil-effeithiau cyffredin o ddefnydd tymor byr yn cynnwys gorbryder, ymosodiadau panig, pasio allan a thagu ar chwd. Mae Ket yn amharu ar gydsymudiad, felly mae damweiniau bychain fel taro i mewn i bethau yn gyffredin; gall eich gwneud yn anghofus hefyd.

Beth sy’n digwydd os fyddai’n mynd yn gaeth?

Mae defnyddwyr rheolaidd yn cael poenau abdomenol difrifol, a elwir yn aml yn “grampiau-K”. Mae defnydd rheolaidd yn risgio difrod difrifol i’r arennau ac i’r bledren yn arbennig. Gall effeithio ar y cof. Mae goddefgarwch yn cynyddu’n sydyn ac fe all ddilyn i ddibyniaeth seicolegol. Dengys tystiolaeth y gall defnydd cetamin yn y tymor hir  ddifrodi’r bledren a’r llwybr wrinol, gan achosi “pledren cetamin”. Mae’r difrod a achosir i’r organau hyn yn anadferadwy.

Cymerwch air Bradley.

Mae Bradley yn gyn-ddefnyddiwr cetamin o’r Rhyl yng Ngogledd Cymru. Eisiau gwybod yn union sut mae’n teimlo i gymryd Ket? Gwrandewch ar Bradley...

Ym mhle ydw i’n dod o hyd i help?

Heb gymryd Ket, ond mae eich ffrindiau eisiau i chi ei drio?Wedi ei drio cwpwl o weithiau, ond ddim eisiau mynd yn gaeth iddo?Yn poeni eich bod yn gaeth ac ddim yn gwybod beth i’w wneud?
Dydy hi ddim yn rhy hwyr.

Dim ots ym mhle rydych chi’n byw yng Ngogledd Cymru, mae help ar gael – yr unig beth sy’n rhaid i chi ei wneud yw gofyn. Ewch i weld tudalen y gwasanaeth DAN24/7 i ddod o hyd i wasanaethau cymorth a chefnogaeth yn eich hardal leol: Services - DAN 24/7

Gallwch ddod o hyd i help, cefnogaeth a darllen mwy o wybodaeth am cetamin yma: Ketamine|Facts about ketamine.

Rhieni a Gofalwyr

Mae mwy a mwy o rieni a gofalwyr yn poeni am eu plentyn yn cymryd cetamin. A fyddech yn adnabod yr arwyddion i edrych amdanynt ac yn gwybod sut i gael help?

Dewch o hyd i’r Sesiynau Ymwybyddiaeth Cetamin Adferiad sydd ar gael yma.