Ein Hanes

Cyhoeddodd The Times erthygl di-enw gan John Pringle ble’r ysgrifennodd am ei brofiad o ofalu am ei fab oedd wedi cael diagnosis o sgitsoffrenia, a’r ffyrdd yr effeithiodd y diagnosis hwnnw ar y teulu. Agorodd hyn sgyrsiau o amgylch y wlad, dechreuodd fudiad,  ac fe newidiodd y ffordd yr oedd pobl yn siarad am iechyd meddwl.

Sefydlodd John Pringle y Schizophrenia Fellowship, yna newidiwyd yr enw i’r National Schizophrenia Fellowship (NSF) ym 1974, gan ddod â’r bedair cenedl yn y Deyrnas Unedig at ei gilydd gyda’r un genhadaeth – i fod yn lais i unigolion a’u teuluoedd/gofalwyr sy’n byw gyda iechyd meddwl difrifol.

Sefydlodd Dr Dafydd Alun Jones Gyngor Alcohol Gogledd Cymru, wedi iddo sefydlu uned benodol i drin alcoholiaeth yn ysbyty meddwl Dinbych ym 1968. Daeth Cyngor Alcohol Gogledd Cymru yn CAIS (Cyngor Alcohol Information Service) ym 1992.

Sefydlodd Alan Douglas y Ganolfan Cyngor Alcohol uwchben siop ddillad fechan yn Abertawe i allu darparu gwasanaethau cwnsela i unigolion yr effeithiwyd arnynt gan faterion alcohol yn Abertawe, Castell-nedd Port Talbot a Phen-y-bont ar Ogwr. Tyfodd y sefydliad gan ddod yn Ganolfan Gweithredu ar Ddibyniaeth a Chaethiwed Cymru (WCADA) wedi hynny.

Daeth yr NSF yng Nghymru yn Hafal – elusen Gymreig annibynnol yn cefnogi gofalwyr a theuluoedd gyda salwch meddwl difrifol. Yn 2010, ymgyrchodd Hafal yn llwyddiannus am ddeddfwriaeth Iechyd Meddwl newydd i Gymru, a adnabyddir bellach fel y Mesur Iechyd Meddwl, gyda defnyddwyr gwasanaeth a gofalwyr yn ganolog i’r ymgyrch.  

Sefydlwyd wasanaeth mentora cymheiriaid gan Lywodraeth Cymru, i gael ei ariannu a’i ddarparu gan bobl oedd wedi byw’r profiad. Dechreuodd CAIS, Hafal ac WCADA weithio gyda’i gilydd mewn partneriaeth.

Daeth pedair cenedl wreiddiol NSF y Deyrnas Unedig gyfan yn ôl at ei gilydd wedi 14 mlynedd i ffurfio Mental Health UK. Ar yr un pryd, mae CAIS, Hafal ac WCADA yn dechrau gweithio gyda’i gilydd i ffurfio Adferiad Recovery,  elusen a grëwyd fel partneriaeth gyda’r nod o ddarparu gwasanaethau sy’n cyd-ddigwydd ar draws Cymru.

Cyn-Gadeirydd Hafal, Elin Jones yn dod yn Lywydd Gydol Oes i gynrychioli’r elusen ar lefel leol a chenedlaethol, ac i ymgyrchu ar ran ei haelodau am well gwasanaethau a chefnogaeth.

Mae CAIS, Hafal a WCADA yn penderfynu dyfnhau eu partneriaeth ac uno i greu Adferiad, fel rydym yn ei hadnabod heddiw. Trwy gyfuno eu sgiliau, gwybodaeth ac arbenigedd yn y meysydd defnydd sylweddau, iechyd meddwl, tai, cyfiawnder troseddol, cyn-filwyr, gamblo, cyflogaeth, a chefnogaeth, eu nod oedd i ddiwallu anghenion y bobl sydd ei angen fwyaf, gydag ymagwedd unedig i ddarparu gwasanaethau o safon.

Penderfynodd Adferiad a Diverse Cymru i uno, gan gadw eu hanes hirhoedlog o gydweithio ac ymrwymo i rymuso gwasanaethau sy’n galluogi ein cleientiaid i ffynnu.