Cyngor Arian

Beth yw cyngor arian? 

Gall arian fod yn straen ac fe all effeithio ar eich iechyd meddwl yn ogystal â’ch cyllid. Gall poeni am filiau, dyled, neu gostau dydd i ddydd arwain i orbryder, hwyliau isel, neu deimlo wedi eich llethu. Weithiau, gall iechyd meddwl gwael hefyd wneud rheoli arian yn anoddach.

Mae cyngor arian yn cynnig cefnogaeth ymarferol i helpu pobl i deimlo bod ganddynt fwy o reolaeth dros eu harian a lleihau straen. Gall y gefnogaeth yma gynnwys cyllidebu a rheoli biliau, dyled ac ad-daliadau, cysylltiadau i wirio budd-daliadau ac incwm, arweiniad i gael mynediad i’r gwasanaethau arian cywir, a gwybodaeth i helpu i adeiladu hyder gydag arian. 

Sut mae cyngor arian yn gweithio

Yn Adferiad, mae Cyngor Iechyd Meddwl ac Arian yn darparu cefnogaeth ac arweiniad cyfeillgar, anfeirniadol. Cefnogwn bobl trwy eu helpu i ddeall eu harian, creu cyllidebau syml a realistig, rheoli dyledion a siarad gyda chredydwyr, cael mynediad i fudd-daliadau neu gefnogaeth ariannol eraill, a lleihau straen ariannol i wella llesiant. 

Ein nod yw i helpu pobl i deimlo’n fwy hyderus am reoli arian tra hefyd yn rheoli eu hiechyd meddwl a’u llesiant cyffredinol. Mae ein Cyngor Iechyd Meddwl ac Arian yn darparu cyngor ac arweiniad ar-lein ar faterion ariannol yn ogystal â gofal iechyd meddwl i unigolion ar draws Cymru (yn ogystal ag ar draws y Deyrnas Unedig trwy ein rhwydwaith o bartneriaid Mental Health UK). Rydym hefyd yn cynnig cyngor arian penodol a chefnogaeth i ofalwyr di-dâl sydd wedi’u lleoli yng Ngwent.

Darganfyddwch fwy am ein gwasanaethau Cyngor Arian yma. 

Sut i gael cyngor a chefnogaeth arian  

• Citizens Advice – cymorth am ddim gyda dyled, budd-daliadau, cyllidebu, a phroblemau arian (0800 702 2020). 
• MoneyHelper (Llywodraeth y Deyrnas Unedig) – cyngor ar ddyled, cynilion, a rheoli biliau (0800 138 7777). 
• Elusen Dyled StepChange  - cynlluniau a chyngor rheolaeth dyled am ddim (0800 138 1111). 
• National Debtline – cefnogaeth dyled gyfrinachol dros y ffôn ac ar-lein (0808 808 4000). 
• Cymorth lles cyngor lleol – grantiau, talebau bwyd, ac arian caledi brys.
• Jobcentre Plus – cyngor budd-daliadau a chefnogaeth gydag incwm.