Adferiad yn dod yn Bartner Cymeradwy o’r Chartered Management Institute

Adferiad yn dod yn Bartner Cymeradwy o’r Chartered Management Institute

Mae Adferiad yn falch o gyhoeddi ei bod wedi dod yn Bartner Cymeradwy o’r Chartered Management Institute (CMI), gan alluogi’r sefydliad i ddarparu cymwysterau rheoleiddiedig, a gydnabyddir yn genedlaethol, i gefnogi datblygiad a dilyniant staff.

Y Chartered Management Institute yw corff proffesiynol blaenllaw y Deyrnas Unedig ar gyfer rheolaeth ac arweinyddiaeth a’r unig sefydliad a all wobrwyo statws Rheolwr Siartredig.

Mae dod yn Bartner Cymeradwy yn cydnabod ansawdd uchel yr arfer a amlygir eisoes gan dîm hyfforddi Adferiad, sy’n darparu cyfleoedd dysgu a datblygiad i fwy na 720 aelod staff ar draws y sefydliad.

I ddechrau, bydd aelodau o’r tîm hyfforddi yn gallu darparu cymwysterau hyd at Lefel 7 Diploma ar draws nifer o feysydd pwnc, gan greu cyfleoedd newydd i gydweithwyr i ddatblygu eu sgiliau ac i wneud cynnydd yn eu gyrfaoedd.

"Mae hwn yn gyfle enfawr i ni, trwy allu darparu cymwysterau strwythuredig, wedi’u rheoleiddio, yn fewnol, i gefnogi staff yn eu dilyniant.” "Mae’n arddangos ein hymrwymiad i ddarparu gofal a chefnogaeth o ansawdd uchel i’r unigolion sy’n defnyddio ein gwasanaethau trwy hyfforddi staff i’r safon uchaf. Dengys hefyd ein hymrwymiad i ddysgu ac i fyfyrio er mwyn gwella yr hyn rydym yn ei gynnig i staff ac i ddenu’r talent gorau i’n sefydliad." "Mae’r cyflawniad hwn hefyd yn dangos gallu’r tîm hyfforddi ac yn ein galluogi i adeiladu ar weithlu sydd eisoes yn fedrus o fewn y sefydliad. Rydym wastad wedi bod yn arloeswyr o ran arfer orau, ac rwy’n gyffrous i barhau i gynnal ein safonau proffesiynol wrth ddarparu’r cymwysterau hyn."

Samantha Drohan, Pennaeth Gwasanaeth Hyfforddiant ac Arweinydd Diogelu

Mae’r cyflawniad hwn yn adlewyrchu ymrwymiad parhaus Adferiad i fuddsoddi yn ei phobl ac i sicrhau bod gan gydweithwyr fynediad i gyfleoedd dysgu, datblygiad, a dilyniant gyrfaol o ansawdd uchel.