Hyfforddiant

Yn Adferiad, rydym yn elwa o’n tîm o hyfforddwyr mewnol sydd â phrofiad sylweddol o ddarparu gwasanaethau i bobl sydd ag amrywiaeth o anghenion. Rydym wedi datblygu ystod o becynnau hyfforddi sy’n addas ar gyfer pob angen – o raglenni cynhwysfawr o hyfforddiant wedi’u teilwra ar gyfer sefydliadau, i gyrsiau hyfforddi untro ar gyfer unigolion.

Yn cwmpasu cyfoeth o bynciau yn cynnwys defnydd sylweddau, iechyd meddwl, anghenion sy’n cyd-ddigwydd, a gamblo, mae ein rhaglenni wedi eu dylunio gan hyfforddwyr sydd â phrofiad sylweddol yn y maes, gan ddarparu gwybodaeth amhrisiadwy a sgiliau ymarferol i gyfranogwyr. Rydym hefyd yn cynnig hyblygrwydd mewn fformatau hyfforddiant, ac yn galluogi cyfranogwyr i ddewis rhwng sesiynau ar-lein neu wyneb yn wyneb yn seiliedig ar eu dewisiadau.

Mae gan ein tîm 20 mlynedd o brofiad o ddarparu hyfforddiant ar bynciau sy’n gysylltiedig â iechyd meddwl a chaethiwed, a ddangosir gan allu ffantastig i gysylltu cynnwys i weithrediadau dydd i ddydd, gan sicrhau bod sesiynau yn berthnasol ac yn hygyrch.

Ers i Diverse Cymru ymuno â theulu Adferiad yn 2024, gall ein tîm hefyd ddarparu hyfforddiant arbenigol ar ystod o bynciau cydraddoldeb, amrywiaeth, a chynhwysiant, yn cynnwys Ymwybyddiaeth Trawsryweddol, Ymwybyddiaeth Anabledd, Rhagfarn Anymwybodol, a Chymhwysedd Diwylliannol.

Mae’r hyfforddiant wedi ei brisio am y cwrs, gyda chapasiti o rhwng 12 ac 20 o gyfranogwyr yn dibynnu ar y cwrs.

Cyrsiau ½ diwrnod (3 awr): £375 (£450 ar gyfer cyrsiau Diverse Cymru)
Cyrsiau diwrnod llawn (6.5 awr): £650

Os ydych chi’n sefydliad wedi ei leoli yng Ngogledd Cymru, gallwch gael mynediad i ystod o hyfforddiant arbenigol ar bynciau sy’n ymwneud â defnydd sylweddau.

Mae archebu ar gyfer ein cyrsiau’n hawdd. Gallwch archebu trwy ddefnyddio’r prosbectws isod trwy glicio ar y ddolen ar gyfer y cwrs a dyddiad y cwrs yr hoffech archebu ar ei gyfer. Bydd hyn yn mynd â chi i’r dudalen gofrestru i gwblhau gyda’ch manylion, yn cynnwys y cyfeiriad e-bost ble’r hoffech i ni yrru’r ddolen iddo.

I fwcio neu i ddarganfod mwy cysylltwch â suzana.[email protected]

Rydym yn falch o gynnig dau gyfle hyfforddiant ymarferol a ariennir gan yr Armed Forces Covenant Fund Trust, sydd wedi eu dylunio i gryfhau cefnogaeth o fewn y gymuned Lluoedd Arfog. Bydd cyrsiau Mentora Cymheiriaid a Hyfforddi’r Hyfforddwr yn rhedeg yn fisol hyd mis Rhagfyr 2026 ar gyfer cyn-filwyr sydd â diddordeb mewn cefnogi eraill o fewn y gymuned Lluoedd Arfog.

Cliciwch yma i archebu neu i ddarllen mwy.